Lisensavtalur um serforrit og support

Tann 1. oktober í ár verður málmót ein nýggjur møguleiki at samstarva við um serforrit frá Vitec MV. Vit kunnu nevna tey væl kendu sum IntoWords og CD-ORÐ, men onnur eru eisini.

Lisensavtalur kunnu gerast longu nú. Serliga hjá skúlum kann hetta vera ein fyrimunur, tí at so eru rættar stundir at lýsa tørvin og at gera møguligar fyrireikingar.

Við eini lisensavtalu kunnu skúlar, stovnar og arbeiðspláss bjóða brúkarum sínum øll neyðug forrit við føroyskum videovegleiðingum og skriviskabelonum á øllum stigum.

Saman við lisensavtaluni fylgir eisini KT-support og møguleikin fyri føroyskari OCR-skanning av lesitilfari.

Gev gætur, at frá 18. mai til 18. juni 2021 umsitur Málmót eisini KT-supportin hjá HH-Support

Plagar tú at brúka HH-Support, skalt tú seta teg í samband við Málmót hesa tíðina fyri at fáa hjálp.

Ring 21 91 90, skriva til malmot@malmot.fo ella støkk inn á gólvið hjá okkum í J.H. Schrøters gøtu.